Höfuðverkur

Hæ,

Vaknaði í morgun með þennan fína höfuðverk. Eitthvað sem ég hef ekki fengið í langan, langan tíma. Ætli þetta sé ekki bara stress fyrir skólann og fleira. Alla vegana ég var búinn að reyna ýmislegt en ekkert gekk. En þá rölti ég inni í mötuneytið hér í skólanum og fékk mér einn skammt af cappuchino, vel sætt, og sneið af sandköku. Viti menn höfuðverkurinn er farinn. Lækningamáttur sykurs hefur oft verið vanmetinn.

Jæja, ég er hér fastur í skólanum að berjast við skruddurnar. Er ekki alveg að komast inn í þennan texta hérna í aðferðafræðinni.

Ætla svo að koma mér heim og í smá líkamsrækt. Hef ekki farið núna í heila viku og er nú bara kominn með fínan móral yfir því. Gengur ekki lengur, en svona er ég bara. Ég er alveg ægilega degi til dags karl. Jafnvel mínútu til mínútu karl. Ekki mikið að plana eða fara eftir plani langt fram í tímann. Fæðingargalli eða ekki skiptir engu ég er bara svona. Kannski vinn ég í þessu kannski ekki...hehe enda þannig :)

jamm, sjáumst síðar og kannski víðar.

Arnar Thor